Déan gearán

Sula dtosaíonn tú an fhoirm gearáin

Scrúdaímid gearáin a bhaineann le soláthraithe seirbhíse poiblí agus le tithe altranais príobháideacha.

Sula ndéanann tú teagmháil linn, ba cheart duit féachaint ar dtús le do ghearán a réiteach leis an soláthraí seirbhíse lena mbaineann. Mura bhfuil tú sásta leis an toradh, féadfaidh tú gearán a dhéanamh linn. Féach ár gcomhairle ar Conas Gearán a Dhéanamh le Soláthraí Seirbhíse Poiblí
Seachas i gcás cúinsí an-speisialta, ní fhéadfaimid gearán a scrúdú má tá níos mó ná 12 mhí imithe thart ón gcéad uair a rinne tú gearán faoin ngníomh nó a tháinig tú ar an eolas faoin ngníomh sin.
Má bhaineann do ghearán leis an Acht um Míchumas, lean na treoracha maidir le conas Gearán a dhéanamh faoin Acht um Míchumas.

Na nithe a theastóidh uait chun an fhoirm a chomhlánú

Sula gcomhlánaíonn tú an fhoirm seo, seiceáil na nithe seo a leanas:

Féadfaidh an tOmbudsman gearán faoin soláthraí seirbhíse a scrúdú. Seiceáil ár liosta soláthraithe seirbhíse nó déan teagmháil linn chun é a sheiceáil.
Rinne tú gearán leis an soláthraí seirbhíse agus thug tú sé seachtaine dó freagra a thabhairt.
Fuair tú freagra deiridh ar do ghearán. (Féadfaidh tú gearán a dhéanamh linn má tá moill fhada ann ar fhreagra a fháil ón soláthraí).
Bhain tú úsáid as próiseas achomhairc an tsoláthraí seirbhíse (más ann dó).
Tá dea-chúis ann leis an moill ar theagmháil a dhéanamh linn más rud é go bhfuil níos mó ná 12 mhí imithe thart ó tharla an gníomh nó an cinneadh a chuaigh i bhfeidhm ort.

Urramaíonn an tOmbudsman na cearta atá ag gach duine a úsáideann ár seirbhísí ar líne agus tá do phríobháideachas an-tábhachtach dúinn. Chun tuilleadh eolais a fháil ar an úsáid le do sonraí pearsante féach ar ár bhfógra príobháideachais.

Déan gearán