Acht na dTeangacha Oifigiúla 2023

San am atá thart bhí trí Scéim Teanga ar leith ag Oifig an Ombudsman faoi Acht na dTeangacha Oifigiúla 2003 chun a sé chomhlacht reachtúla ar leith a chuimsiú. Bhí na Scéimeanna seo cosúil lena chéile maidir leis na seribhísí a bhí le cur ar fáil i nGaeilge. Cuireadh in iúl don Oifig nach gá na Scéimeanna a athnuachan toisc go dtéann siad in éag de réir mar a thugtar “caighdeáin” nua isteach faoi Acht na dTeangacha Oifigiúla (Leasú) 2021. Mar sin féin, lean an eagraíocht ar aghaidh ag soláthar na seirbhísí de réir téarmaí na Scéimeanna lena n-áirítear infhaighteacht cainteoirí Gaeilge chun déileáil le gearáin; freagraíodh i nGaeilge comhfhreagras a fuarthas i nGaeilge; agus, cuireadh ábhar láithreáin ghréasáin ar fáil i nGaeilge.

Is iad na príomhphointí i 2023 ná:

Leanadh le seirbhísí Gaeilge a sholáthar de réir na Scéimeanna comhaontaithe. Chuige seo, tiomsaíodh tuarascáil bhliantúil ar na seirbhísí a chuirtear ar fáil agus éileamh ar sheirbhísí faoi na Scéimeanna.
Tá 10 mball foirne ar fud na n-oifigí comhpháirte atá sásta seirbhís i nGaeilge a sholáthar.
Leanann an eagraíocht ar aghaidh ag cur na Gaeilge chun cinn trí (i) an fhoireann a spreagadh chun tabhairt faoi chúrsaí (thug cúigear ball foirne faoi chúrsaí Gaeilge i 2023 (9 i 2022)) agus (ii) sosanna tae Gaeilge rialta a bheith acu chun foghlaim agus úsáid na teanga a chur chun cinn.
Éilíonn foráil Acht na dTeangacha Oifigiúla (Leasú) 2021 go mbeadh 20% d’fhógraíocht comhlachtaí poiblí i nGaeilge, agus go mbeadh 5% dá chaiteachas fógraíochta á chaitheamh ar mheáin na Gaeilge. Comhlíonadh na forálacha seo do 2023, rud a d’fhág gur caitheadh €5,900.
Caitheadh €15,000 ar chostais aistriúcháin ar fud na sé chomhlacht reachtúla le linn 2023.