Bailiúcháin
Deonaíonn FSS tacaíocht ‘míchumas fisiceach agus céadfach’ do mhná tar éis imthosca a leag an tOmbudsman béim orthu
Foilsithe
An t-eolas is déanaí
Foilsithe
An t-eolas is déanaí
Rinne Deirdre gearán leis an Ombudsman nuair a dhiúltaigh FSS dá hiarratas ar Sheirbhísí Míchumais Fisiciúla agus Céadfach. Níor ghlac an FSS leis go raibh Deirdre i dteideal tacaíochta faoin tseirbhís agus atreoraíodh í chuig seirbhísí cúraim phríomhúil.
Tá tinneas ar Dheirdre mar thoradh ar thimpiste san ionad oibre. Tá sí faoi mhíchumas agus níl úsáid cheart aici as a géaga ísle. Bhí díomá ar a DG gur diúltaíodh dá hiarratas. Bhí súil aige go gcuirfí isteach í ar chlár athshlánaithe a chuideodh le Deirdre le gníomhaíochtaí laethúla agus a chuirfeadh feabhas ar a caighdeán saoil. Bhí an cheist práinneach mar bhí tiarna talún Deirdre ag díol an tí agus bhí sí i mbaol a bheith díshealbhaithe.
Bhreithnigh Foireann Atreoraithe um Míchumas Fisiciúil agus Céadfach FSS iarratas Dheirdre agus chreid siad go raibh riocht leighis uirthi a d’éileodh breithniú ar thacaíochtaí trí Sheirbhísí Cúraim Phríomhúil seachas míchumas coirp nó céadfach fadtéarmach a bheith aici. Rinne Deirdre achomharc i gcoinne an chinnidh ach níor seasadh leis an achomharc.
I bhfianaise na fáisnéise a chuir Deirdre agus a DG i láthair, cheistigh an tOmbudsman cén bunús a bhí leis an gcinneadh diúltú don iarratas, ar breithníodh litir a DG le linn an achomhairc, na cineálacha tacaíochtaí trí Sheirbhísí Cúraim Phríomhúil a bheadh i bhfeidhm sa chás seo, cibé acu ar cuireadh faisnéis ar fáil di faoi conas iarratas a dhéanamh ar Sheirbhísí Cúraim Phríomhúil nó ar atreoraíodh FSS chuig Seirbhísí Cúraim Phríomhúil í.
Mar fhreagra air sin, rinne FSS athbhreithniú breise ar iarratas Deirdre agus chinn gur chomhlíon sí na critéir do Sheirbhísí Míchumais Fisiciúla agus Céadfacha. Chuaigh siad i dteagmháil le Deirdre agus ghabh siad leithscéal as an mhoill agus an anacair a tharla mar thoradh ar an gcinneadh a rinne siad roimhe seo. Faomhadh iarratas Deirdre ar Sheirbhísí Míchumais Fisiciúla agus Céadfach.